Dagur íslenskrar náttúru: 16. september
Hvað einkennir náttúru Íslands?
Hér fyrir neðan eru atriði til umhugsunar sem hjálpa ykkur að svara spurningunni.
Hugsið líka um lífverurnar í öllu þessu samhengi.
> Ísland er eyja
Hvernig birtist það í náttúru landsins?
> Ísland er norðarlega á hnettinum
Hvernig skiptir það máli fyrir náttúruna?
Hmm – er þetta spurning um veðrið?
> Á Íslandi er eldvirkni
Hér verða sem sagt eldgos. Hvað þýðir það fyrir náttúruna á Íslandi? Í sumum löndum verða aldrei eldgos.
> Ísland er dreifbýlt
Hvernig skiptir það máli fyrir náttúruna?
Ræðið saman um þessi atriði og punktið hjá ykkur það sem kemur í hugann. Þið þurfið að hugsa málin vel. Það er kannski meira þarna á bak við en þið haldið í fyrstu.
(Hér eru nokkrir punktar frá höfundi vefsins – skoðið þá þegar þið hafið sjálf velt málinu fyrir ykkur!)
Af hverju er haldið upp á Dag íslenskrar náttúru?
Ómar Ragnarsson
Dagur íslenskrar náttúru er á afmælisdegi Ómars Ragnarssonar, sem fæddist 16. september 1940. Auk þess að hafa verið skemmtikraftur og sjónvarpsmaður, og gert fjölda þátta um náttúruna, hefur hann lengi barist fyrir verndun íslenskrar náttúru.
Lögin hér að neðan tengjast sveit og óbyggðum.
