Alþingisgarðurinn er meðal elstu garðanna á Íslandi sem við eigum saman, eða síðan 1893-5. Alltaf hefur verið hugsað vel um hann. Garðurinn hefur nokkuð breyst en heldur samt sínu upphaflega skipulagi. Líklega er ekkert eftir af upprunalegum gróðri. Sá sem fyrstur ræktaði garðinn og skipulagði var alþingismaðurinn Tryggvi Gunnarsson (1835-1917). Teikningin sem hér er sýnd er líklega eftir hann.
Á þessum tíma var ekki hægt að kaupa plöntur í garðinn í búð. Tryggvi og aðstoðarfólk einfaldlega safnaði þeim úr náttúrunni. Auk þess var hann í sambandi við fólk út um landið sem var að gera tilraunir með ræktun. Hjá því gat hann fengið fræ eða afleggjara. Fljótlega var svo prófað að fá ýmsar plöntur frá útlöndum.
Tryggvi var jarðaður í garðinum.
Einu sinni var Alþingisgarðurinn bara opinn á sunnudögum!
Alþingisgarðurinn var friðlýstur nýlega. Sjá frétt á vef Minjastofnunar Íslands.
- Alþingisgarðurinn var skipulagður vel í byrjun eins og sést á myndinni. Prófið að teikna ykkar eigin mynd af garðinum eins og hann er núna. Mælið hann út, og setjið inn mælikvarða, merkið inn á myndina hvað er hvar. Berið síðan saman við upphaflegu myndina.
- Skoðið tvær myndir af Tryggva vinna í garðinum sínum.
- Lýsið Alþingisgarðinum með orðum á þann hátt að hægt væri að sjá hann fyrir sér. Er garðurinn stílhreinn?
- Hvernig veggur og grindverk er umhverfis garðinn núna? Upphaflega var hlaðinn veggur umhverfis allan garðinn.
- Setjið ykkur í spor landslagsarkitekts og teiknið garð. Þið þurfið fyrst að ákveða við hvernig hús garðurinn er og fyrir hverja hann er.
Tryggvi er ansi fínn!
KENNARAR / FULLORÐNIR
Frásagnir af ýmsum görðum – m.a. Alþingisgarðinum
Skýrsla um Alþingisgarðinn og lóð Alþingis
Frostveðrun á Alþingishúsinu
Frostveðrun verður með þeim hætti að vatn seytlar inn í gljúpt berg og þegar vatnið frýs sprengir það bergið vegna þess að ís er rúmmálsmeiri en vatn. […] Alkunnugt dæmi um frostveðrun má sjá á Alþingishúsinu við Austurvöll þar sem steypan milli grágrýtissteinanna, sem húsið er hlaðið úr, stendur sem hryggir út úr veggnum, en hið gljúpa grágrýti hefur eyðst af völdum frostveðrunar með tímanum. Af hæð hryggjanna má sjá hve mikil þessi veðrun hefur verið síðan húsið var byggt á árunum 1880-81. (Sjá Vísindavefinn).