Fleiri staðir – LAUGARDALUR

Fjölskyldu- og húsdýragarðurinn 

Í garðinum er hægt að skemmta sér og fræðast um ótal margt. Í húsdýragarðinum má sjá húsdýrin í návígi og reyndar mörg önnur dýr líka. Oft eru viðburðir á dagskrá og þar er tekið á móti skólahópum. Best er að lesa um þetta allt á vef garðsins.

Garður við Ásmundarsafn

Lífríki: Gróður, fuglar, smádýr

Landslag: Garður – borgarskipulag

Athyglisvert: Ævintýralegt umhverfi þar sem listaverk eftir Ásmund Sveinsson (1893 – 1982) njóta sín. Hann bjó og var með vinnustofu í húsinu. Nú er þar safn. Ásmundur vildi gjarnan að börn léku sér í garðinum.

Klappir við Laugarásbíó

Lífríki: Trjágróður og grasblettir, fuglar og smádýr

Landslag: Jökulsorfnar klappir.

Varúð: Mikil umferðargata í næsta nágrenni.

Athyglisvert: Fallegar jökulsorfnar klappir framan við Laugarásbíó. Mjög skýr merki um hvernig jökull hefur pússað yfirborð klappanna. Það er gaman að leika sér og hoppa á grjótinu og skoða vel.

Nafnlaus klettur nálægt Sundahöfn 

Landslag: Klettur

Varúð: Farið varlega við klettinn. Það er hátt fall að detta ofan af honum!

Athyglisvert: Þarna sést hið forna berg Viðeyjareldstöðvarinnar (basalt og móberg). Um er að ræða elsta berg Reykjavíkur. Lesa meira.

Klettar við Klepp

Landslag: Klettar

Varúð: Farið varlega ef þið klifrið. Klettarnir eru við götu.

Athyglisvert: Þarna sést hið forna berg Viðeyjareldstöðvarinnar (basalt og móberg). Um er að ræða elsta berg Reykjavíkur. Lesa meira.